الشاعر // سعيد حسان. ( مصر البحيرة )
قصيدة// ليل الغربة
ادعوا معايا يرجع سعد سعيد...
لما حيرجع سعد رحافرح ..فرحة طفل بيوم العيد ......
فرحة طفل بلبس جديد...
.فرحة طفل باحضان امه ..بعد ماناه عن أهله فى ليل الغربة..وقضى حياته وحيد ...طلع النور من قلب الضلمة هو النور يتصد ..
لما هيرجع سعد...
القلب هيرقص من جواه بالفرحة ....ويبطل تنهيد ....
يام السعد...انا حاسس انى بقيت دلوقت سعيد...
.حاسس ان ساعتها اتفرد الضهر...
وان الحيل اتشد .....
حاسس ان شبابى رجعلى... وان العزم شديد...
لما تقول ودعت الغربة كده من غير ترديد ..
..لما تقو لي ....وحياة طه حبيبك....
. عمري ما هبعد عنك... عمري ما اسيبك...
هافضل جنبك يد بيد....
يومها هاقول سلمتك امري ...
من غير ابني يطيب خاطري ....بس يا ريت...
يومها احس ان انا ربيت...
يومها راح ارفع راسي واقولك... بعد ما جيت...
. ان ساعتها اتولد السعد .....ان ساعتها اتولد اتولد السعد
يومها راح احلف بحياة سعد
يومها راح احلف بحياه سعد
الشاعر // سعيد حسان ( البحيرة مصر ) قصيدة // ليل الغربة
.
ليست هناك تعليقات:
إرسال تعليق