ياقلب أمي ياجنه خضره
فيه الحنين أوراقه نضره
النبض يزرع ميت ألف شجرة
بستان محبة رحيقها عطره
تنثر وداد جوه وبره
ياما رضعتني حكايات وعبره
كانت كلامها قيمة ومعنى
نظرتها كانت فيها بسمة طلة
وقت السجود تبكي بحرقة
ليلها بتدعي لشمس بكرة
ليلها يهدي لما بتقرأ
قرآن كريم تدبر وحكمة
وقت الشروق تمنحني ضمه
وسحابةطاهرة حايرة
حايرة فى سماها
ماعندها خبرة
مطرها ليه وليه المطره
صوت من بعيد ووداني سامعه
بلون فضي على أرض سمرة
سألت أمي على فين رايحة
العلم عند رب القدرة
بحق كن تروي الزرعة
او أرض ناشفه محتاجه ميه
تغسل قلوبنا بقبول دعوة
يمكن تصب عندي شوية
وفى بلد تانية تسند فروعها
وشوية قامت ناديتها يااما
كلامك حلو وكل حكمه
قالت رايحة اتوضى مطرة
يادوب قليل نصلي الضحى
كل الخلايق فى ميعاده صاحية
حتى البلابل لرزقها ساعية
ووحوش الجبال تصطاد ضحية
ربك كريم له شؤون فى خلقة
والكل صاحي يوحد ربه
رحمات ربي عليك ياامه
يرزقك صحبة نبي الرحمه
(((أسامه جديانه)))
ليست هناك تعليقات:
إرسال تعليق