مجدوبيات/ بقلم الشاعر مجدوب الرمى

مجدوبيات....

جروح قديمة.....

خيطت جروح لكبدة ليتيمة
بخيوط الصبر و النسيان
داويت جروحي لقديمة
و نصلت برنوص الأحزان
كgلت هادي رخيصة بتعليمة
هاد الدنيا غير امتحان
تعلمي يا نفسي الدميمة
و كgادي الصروف و لوزان
نتي لي كنتي شحال كريمة
عطيتي و وفيتي لميزان
بنت الناس خصايلك عظيمة
السخى و لجود عندك عنوان
علاش الناس معاك دميمة
وقت الشدة واحد ما بان
علاش خلاوك كي ليتيمة
واحد ما عرف لك عنوان
ياك يا نفسي كنتي زعيمة
تساعدي لفقير و لعيان
شريفة عزيزة كنتي خديمة
اليوم فوجهك تسدو لبيبان
نوصيك يا نفسي اليوم و ديما
 نوصي راسي و كل إنسان
لي دازت رخيصة بتعليمة
و لعاقل يدير بحساب الزمان.......

بقلمي : مجدوب الرمى

Le 02/04/2020