فلى كورونا/ بقلم عبد الرحمن الحاج على

كلمات كتبتها على لحن أغنية ( طيري يا طيارة طيري ) لفيروز  لمن يرغب بالغناء

فلي يا كورونا فلي من كل البلدان
بدي أفتح بكرا محلي أنا منك ضجران
ونعيش بأمان ع طول الزمان

ملينا ومش عم تملي يا كرورنا العنيده
فقرتينا وخدتي الغله وصرنا ع الحديده
معدوم وعدمان منتوف وطفران

ردي ضحكاتي وبسماتي والفرح لكاااان
ونعيش أمان ع طول الزمان

حلي وفلي من بلادي بسرعة ألف وميه
روحي ع بلاد الأعادي يبعتلك برديه
روحي للطغيان يهود وأمريكان

بدي أحكي وأحكي وأحكي عن ظلم الإنساااان
ونعيش أمان ع طول الزمان

يمكن نحنا غلطنا كتير والله عالم فينا
عقابنا بفيروس صغير يمكن ت يوعينا
ونرجع للإيمان لبيت الرحمان

يمكن يرفع غضبو عنا بعطف وحناااان
ونعيش بأمان ع طول الزمان

عبد الرحمن الحاج علي