قصيدة بعنوان: (الحلم الوردي) !!
تبعت حلمك الوردي
لي تعلا فسماه
تبعته من قل.ة جهدي
ما وصلت حداه
حتى من سعدي
لي مشيت وراه
صدمني يا وعدي
غرني ب هواه
ما هموني لعدى
لي وقفو ف لوجاه
ولا ثوب اللبدة
ولا داك لي شراه
ولا حر الكبدة
لي گادية فعزاه
هديته كلام شهدة
عسل حر محلاه
هداني دفلة غدة
من اللسان رماه
من لحبل جبدة
ع الظهر كواه
ماهموني لي وصلوا
فاتو لبحر لهيه
ولا لي فيه حصلوا
ولا لي غرقو ف خلاه
ما هموني لي قتلوا
لحجل ف سماه
نساو ولا عقلوا
صغرهم شفناه
ما هموني لي نجحوا
حصدو مال وجاه
ولا لي فحياتهم فشلوا
تقطع لحبل ورجاه
هموني الناس لي نسلوا
الشعر من لعجين
عتقو الحاصل ف جهلوا
مسحو دموع العين
هموني الرجال لي سهروا
تهلال وتسبيح
ليالي ما شبعوا
من الذكر ولمديح
ما. هموني حساد
لي كلامهم يجرح
ولا دوك لحقاد
الا فسد ما يصلح
حزوني دوك لعباد
لي حياتهم مسرح
عايشين سنين حداد
وقليل من لفرح
ما لبسو ثياب جداد
عليهم قساح الطرح
لبسو الحلم الوردي
تقمصوه دور مسرح
13. 06. 2020.
الادريسي محمد.
ليست هناك تعليقات:
إرسال تعليق