الوجع
،؛؛؛؛؛؛؛؛
ندرا عليه يا غالي عليه
لما تشوفك طيب عنيه
وتقيد بكفوفك شموع لياليه
ندرا عليه يا حبيب عنيه
لزرع شجر العطف و الوداد
والقسوه تجف ويمشي العناد
وراح اصلي ف سبع بلاد
واشكر ربى حبيبي عاد
وف الحواري والشوارع والميادين
اسقي الود والحب والعطف للعطشانين
واكتب حروف ميلادك من جديد
دا يوم بعادك عن الوجع يوم عيد
يا كل حاجه حلوه ليه
ندرا عليه ياحبيب قلبي وعنيه
لما تشوفك طيب عنيه
لزرع شجر الحب والعطف والوداد
واصلي في سبع بلاد
ندرا عليه يا غالي عليه
رايحه فين يا خطاوي والشارع حزين
وع الرصيف دمووع الغناوي
ف نظرة ضعف ونظرة حيره ورعب وحنين
رايحة فين ياخطاوي والقلب حزين
ورا البيبان بتحكي الحكاوي
عن وجع طبيب قلبي المدأوي
تبكي الناي الحزين
رايحه فين يا خطاوي
وشجر العمر دبلان
بينده ياغيمه عطشان
مطر رحمه وحنبه
ندرا عليه ياغالي عليه
لما تشوفك طيب عنبه
انسى قسوة الدنيا ديه
تنوره يا دنيا يا ام قلب جاحد تنوره
بتلفي بينا ف الموالد كل لفه ولهفه
بالف شكل ولون وجع وصوره
على طول معايا شايفك فرحه مكسوره
عمري ماشفتك لحظه اموره
ديما معانده ومناهده ومغروره
تنوره يادنيا تنوره
يا ام الوجع القاسيه
الاحبيبي ونور عنيه
الا أغلى حاجه ليه ف الدنيا ديه
ندرا عليه ياغالي عليه
لما تشوفك طيب عنيه
لزرع شجر الحب والعطف والوداد
واصلي في سبع بلاد
ندرا عليه ياغالي عليه
تمت بحمد الله
كلمات على عبدالرحيم محمد
ليست هناك تعليقات:
إرسال تعليق