الساكن.....
يا الساكن ذاتي و ساكن لخيال
كولي g واش عجباتك هاد الحالة
آجي آوا بعدا نسولك هاد السؤال
علاش الدنيا كا تعطي لمن والا
علاش الراجل ما بين الرجال
بلا فلوس نجمتو تطفى و يولي عالة
علاش لكسدة ما تسواش بلا مال
مولاها مسكين يدخل لسوق الدلالة
يا الساكن ذاتي و ساكن لخيال
بغيت نعرف علاش ليام بدالة
علاش قلت الشي كا تخسر الجمال
و لي ما فحالوش يتحسب من الجوهالة
ياك في هاد الحياة الناس حال و أحوال
فيها الغاني مرتاح و لمزلوط حالتو حالة
الشمش ما تغطيهاش عيون الغربال
و وقت الشدة يعلم شحال من مسالة
ياك طاموع الدنيا يدير الطريق في لجبال
و قلت الجهد كا تورت الفقر و البالا ( البلاء)
علاش يا الساكنني صعيبة لقمة لحلال
و طريق الصفى بالشوك عامرة حوالها بهدالة
يا الساكنني و ساكن لخيال
أش السباب فضيق الحال
واش البخل يلبس ثوب لهبال
واش لعكز يورث الزلط و يكون سباب في ضعف الحالة
بقلم : مجدوب الرمى
Le 24/06/2020
ليست هناك تعليقات:
إرسال تعليق