ق/الفـــرج دايمــــــــاً قريب
ك/أحمد عبد الرحمن صالح
🌄🌄🌄🌄🌄🌄🌄🌄
🌅
🌅
🌅
كُله خير
اوعـى تندم ع اللى فاتك
كل شيئ قسمـة ونصيب
اللى يوم كانوا ف حياتك
كله راحــــــل راح يسيب
حلــــم بكـره لـو نصيبـك
راح يصيبك عـــن قريب
يلـى بـداوي ف جروحك
شعـر راســك راح يشيب
وانت مستنــي الامــــاني
فى زمـان قـاسي وكئيب
ليه تشيل الهــم وحـــدك
قول يـآ رب وراح يجيب
هـو وحــده بس قـــــادر
يجبــرك جبـــران عجيب
اوعــى تشكي م الليـالـي
شكوتك مش راح تجيب
اللـى مقسـوم بيـه لغيرك
صعب رزقك ليك يخيب
وانســي اي حــزن شفته
القـــــــدر دايمــــاً غريب
راح يغيـر كل حـــاجــــه
مهمـــا كان الليـل مُريب
بالامـل شمسك هتشـرق
اليقيـــن اجــمـل طبيب
راح تزول منك همـومك
والفـرج مش راح يغيب
شـد فـوق دايمـاً وقـاوم
وافتكــــر إنـــكَ لعـيــب
راح تفوز دايمــاً بهـدفك
والخســــاره راح تسيب
بكره تضحك ع اللى عَدّا
لما تلقــي نجـــاح رهيب
الدمـوع لـو مش أوانهــا
راح يقـولوا عليك كئيب
بالامــل دايمــاً هتوصـل
للي مكتوب ليك يصيب
انسـى كل ليالي جرحك
وافتكر إنـــكَ غــــريـب
مهمــا طـال العمر راحل
بس سيرتك راح تسيب
الفشـــل اكبر عـــــدوك
والنجاح هـــــو الحبيب
مهمــــا تشتـد الليــــالي
اوعى تيأس م النصيب
عيش مصـــاحب للامل
دا الضجر واليأس عيب
كُله خير
كلمات/أحمد عبد الرحمن صالح
ليست هناك تعليقات:
إرسال تعليق