نهار جديد
************
فجر جديد جاى يشقشق
وينور فى العمر الضلام
لما شق ستايره شق
وإبتدى اليوم بالسلام
عصفور صغير جاى يحلق
فى السما بجناح حمام
بين الشجر طاير يزقزق
والزقزقه لغة الكلام
فجر جاى بنهار جديد
بيزيل ستار ليل غيام
مستنى يجى نهار وليد
يشق عتمة الارحام
بيشد خيوط شمس النهار
م الشروق لجل ماينور ضلام
شقه الشعاع وزال ستار
كان الغيام سايقه ب لجام
كأنه حلم فى ليل عنيد
لا بينه وبين عمرى إنسجام
والفجر أذن ليوم جديد
قالى قوم وقام مانام
شمس جايه تشق الديار
سايقه ليلها ب اللجام
وبتخرجه بره النهار
من غير كلام
شمس جايه تفرد دراعها
وع البشر ترمى السلام
بالفرح جايه تضفر شعاعها
وف أول نهار ترفع ضلام
م/محمد بدوى أبوالعلا
ليست هناك تعليقات:
إرسال تعليق