ـــــــــــــــــــــــــــــــــــــــــــــــ
؛؛؛ .... بغداديات .... ؛؛؛
ـــــــــــــــــــــــــــــــــــــــــــــــ
طويلة الليل ساعاته
وحزينة دروب لوعاته
تكتل كتل جمراته
يذكرنه بأمل ضايع
عمر فاته
وهم نرجع نحن اعليه
ونتوسد بآهاته
ــــــــــــــــــــــــــــــــــــــــــــــ
احلى ما بالليل
يسمعنه بسكون
حتى لو ظل عاجز بصبره
يواسي جروحنه
يكفي لم همومنه
وينصت بدون
يشكي مرة
ولا تذمر
من هضمنه ونوحنه
ـــــــــــــــــــــــــــــــــــــــــــــــ
مامل ألحزن
دومه يدگ بالروح
ما خله أمل
لا فرحه كلها جروح
يمته ألبس فرح
وأهجر حمام الدوح
ما عندك رحم
تتركني يوم تروح
لو عندك ولع
تلچمني فوگ جروح
ــــــــــــــــــــــــــــــــــــــــــــــــ
صرت ادعي اعله شوگگ
ولك مو مليت
ولامرة اشفقت
باحوال مسجونك
شفت روحي وحيده
وانت حسنك جيش
لما غزيت گلبي
الماگدر دونك
تالي السكته دربك
والصمت مرخوص
وانه اشرب
الم شو گگ يخيعونك
ـــــــــــــــــــــــــــــــــــــــــــــ
تشرب بالحزن
لو هوه يشرب بيك
وتكتب للعشگ
لو عبره هبت بيك
ترسم للوطن
محبوب باجمل لون
وتنضدله حرف
ضوه بحنينه الكون
شنهي انت جميل
وعندك المعلوم
ويم ﴿ بثنى ﴾ خميلة
واعدت هاليوم
لو تضرب تخت
صاير يبعد چلاي
وتورطني ردت
ويه العشگ مالوم
ـــــــــــــــــــــــــــــــــــــــــــــ
؛؛؛؛؛ بقلمي : علي الخضري المالكي
ــــــــــــــــــــــــــــــــــــــــــــــ
ليست هناك تعليقات:
إرسال تعليق