رحمة الله على شهداء الواجب أبنائنا الأعزاء
ابنى :
مين اللى معدى
يا ناس يا ريت نهدى
مين انت قولى
أنا ابنك يا والدى
ابنى حبيبى رايح فين
يا عمرى يا فلذة كبدى
رايح يا بويا جنة النعيم
آه آه يا أغلى م العنين
قتلوك الغدارين
دا انا كنت بكملك الجهاز
عشان أفرح بيك
يا بنى يا أعز العزاز
و خطيبتك مستنيه تنزل
عشان نفرح كلنا بالجواز
و الكل يا بنى بيك فرحان
أصحابك و معاهم كل الجيران
مستنين الفرح يا عين أبوك
عشان لعروستك يزفوك
نلاقيك جاى يا بنى متشال
عشان يروحوا يدفنوك
مين دول الى قتلوك
انت و اللى معاك م القادة و الجنود
اوعى تقول دول مصريين
اوعى تقول دول مسلمين
لا دول كلاب مأجورين
عشان يزعزعوا أمن الآمنين
ودا كله لحساب ميييييييييييين
كنتوا واقفين يا ولادى ع الحدود
و بتحموا مصر و عاملين سدود
يا شبابنا يا أعظم جنود
انتو الطهارة انتو النقاء
يا رب اكتبهم مع الشهداء
بقلم الشاعر // أسامة الحكيم – مصر
ليست هناك تعليقات:
إرسال تعليق