تعظيم سلام /بقلم فهمي محمود حجازي

تعظيم سلام
تعظيم سلام للي عارف يعني أيه معنى السلام
للي بيبني واللي عمر وعف نفسه م الحرام
أجمل سلام للي ع المدنه بيدن وصلى على خير الأنام
وع المسيحي فى الكنيسة واللي قلبه لسه خام
لسه عايش بالغريزة مسيحي مسلم جانبه نام
كال فى عيشه وشطره حزنه والإبتسام
كان في مرضه طبيب مداوي وكان معاه واقف تمام
المسيحي جنب مسلم خصر واحد شده الحزام
والحزام صمام أمان اسمه عربي ع الدوام
قلب واحد هم واحد شب أو شيخ أو غلام
يوم فى ثورة ويوم فى كورة يد واحده فى الزحام
خد بإيده وهو برده شد إيده لما مد بالسلام
كلنا أبناء وطن وجندي واحد ضد العدا وقت إلتحام
جندي جرجس جنب صابر فى الميدان
همهم رفعت بلدهم قلب نابض بالوئام
كلهم صدق ومحبة نية خالصة مش كلام
هم دول اللي بصراحة رمز أومعنى السلام
بقلم فهمى محمودحجازى