اسمعيني /بقلم سيد المبروك

ومع شعر العاميه
اسمعينى...
للشاعر/سيد المبروك
♡انتى حبى والهوا.. انتى القلب وما حوا.. انتى لجرح القلوب دوا..و سعادتك منى عينى
♡انتى عشقى والجنون.. انتى قلب صافى وحنون.. انتى يا سحر العيون.. كل ناسى و محبينى..
اسمعينى⚘
♡انتى يا معنى السرور..انتى يا بدر البدور.. عشقك ف الفؤاد محفور.. ليوم غسلى و تكفينى ..
♡حبك يا جميل أهرام.. يا كل حروفى والالهام..يا ضحكه اجمل الأنعام.. تسعدنى و تواسينى...
اسمعينى⚘
♡قلبى ف البعاد عطشان.. وانت نهر وبحر حنان..وقت عطشى والاحزان.. نبع قربك بيروينى..
♡انا إللى ف دنيا وحدانى.. اسير ف سجن احزانى.. فينك يا سكنى وامانى.. نار بعدك بتكوينى..
اسمعيني⚘
♡انا الشاعر المجنون..انا إللى سحرتنى العيون.. و رسمها ويا الجفون.. زينت بيهم دواوينى...
♡غنيت ف الحب مواويلى..وسحر عيونك يناديلى..و دموعى هزمت مناديلى... وانتى بسمة سنينى..
اسمعينى⚘
♡حبك سعادتى و سرورى.. وعيونك ف الظلام نورى.. يا عشق سنينى و شهورى.. يا بلسم جرحى وانينى...
♡غرامك ع الجبين مكتوب..وعمرى قبلك مش محسوب..
بعتلك طير الغرام مندوب.. يعرفك عناوينى...
اسمعيني⚘
#مجنون
#القمر
سيد المبروك