حكاية حلم .. ( 212 )
...................................
وأنا لما بحن وبشتاق لك
بحضن في صورتك وأندهلك
حبيبي سامع إحساسي
ولا كمان تاه ما وصلك
هفضل في حلمك كده عايشه
وأقول كفايه جنبك عايشه
هسرح وأغمض في عيوني
وأغزل في طوق أشواق دايبه
بتلوم عليا إني بحبك
ولا قادرة أداري دقات قلبك
ما انت اللي عودني غرامك
اسهر ليالي الروح غايبه
بستني جواك تنده لي
من نفسي هتقل على مهلي
ولا ما صدق تلاقيني صورتي
في عينيك بس ناديني ..
قوللي إنت فين قرب مني
قدامي حاسه بنظراتك
نظرات بتبعد ليه عني
من غير ملام صمتك حيرة
لمسه أيديك شك وغيره
حساها ليه جوايا باردة
وهمساتي ليك حلم أسيرة
طب قولها مره إني في قلبك
اشواقنا روح حبي وحبك
ولا بتشغل في عواطفي
وهتفوتني راسم ١٠٠ حيله
فتحت عيني بشوق قايمه
كان حلم ده ولا انا نايمه
وبلهفه هستنى حبيبي
وهعاتبه سابني في شوق عايمه
يا ريت ده حلم إبعد عنا
ولا اشوفه تاني صاحيه ونايمه
وإن جاني هقفل باب دارنا
نحضن في أشواقنا ونبعد
نبعد بعيد ما يحصلنا
وندوب سوا جوا قدرنا ..
بقلم .. صبري رسلان
ليست هناك تعليقات:
إرسال تعليق