كان نفسي اقولك كل سنة وانت طيب /بقلم فهد عادل

كان نفسي اقولك كل سنه وانت طيب يا صاحبي
كان نفسي اقبلك ب ابتسامه واخدك
في حضني وافرح معاك بيوم ميلادك

كان نفسي اقولك كل سنه وانت طيب ياصاحبي
ياللي فراقك اثر فينا كلنا
ما بقتش عارف مين هيمشي معايه في
الطريق بعدك ياغالي
من بعدك انت ياغالي مين هيسال عليا
ويفهمني من غير ما اتكلم دا انت كنت كل حاجه ليه
كنت يا صاحبي الشمعه اللي منوره طريقي

كان نفسي اقولك كل سنه وانت طيب ياصاحبي
كان نفسي عيدك يبقى وسطنا
ونفرح بيك زي كل سنه
بس انت ياصاحبي فرقت قبلنا
ياريت ياصاحبي كان يومي قبل
يومك عشان ما اشوفش العذاب من بعدك

بس خلاص انت ياغالي بقيت في
مكان احسن من عندنا
كان نفسي اقبل يوم ميلادك
وافرح معاك ونطفي الشمع زي ما اتعودنا ياغالي
كان نفسي اقولك كل سنه وانت طيب ياصاحبي

مع السلامه ياابن قلبي
مع السلامه ياغالي
مع السلامه يااغلى الناس
فهد عادل