آش هاد الزمان....
آش هاد الزمان
ما بقات فيه كلمة
تبدل حال الإنسان
ولات حياتو ظلمة
نسى الدين و القرآن
و تبلى باللهو و النغمة
نسى لحباب و الإخوان
تنزعات من قلبو الرحمة
لبس ثوب لغدر و لبهتان
ما بقاتش عندو الكلمة
علاش يا بني الإنسان
فرطنا فلحيا و لحشمة
درنا الذنوب بكل لوان
و مشينا فطريق مظلمة
قلبنا كفوف الميزان
طاح الشان. ما بقات همة
علاش ضميرنا ولا عيان
ولينا نتباهاو بالنعمة
هادا على لاخر باغي يبان
القلب على الطمع ولا عمى
خاف الله يا هاد الإنسان
دير بحساب لقبر و الظلمة
خاف مولاك الكريم الرحمان
رجع لصوابك بلاش تتعامى
فالدنيا كاينين جوج طرقان
طريق النور و طريق الظلمة
لي بغى حالو يا ناس يزيان
يخاف الله و يرضى بلقسمة
فعال الخير يكثرها مزيان
و يحمد ربي على كل نعمة
بقلم : الرامي المسناوي
Le 29/09/2020
ليست هناك تعليقات:
إرسال تعليق