يا طيب
؛؛؛؛؛؛؛؛؛؛؛؛؛؛؛؛؛؛
الناس ب الناس قالوا
ومال الناس كناس قالوا
وطيب القلب ياهنيالوا
وعديم الدم والاحساس
فقير مهما الزمن ادالوا
يا حزين الدموع دي مش ليك
كل واحد بيبكي على حالوا
طيبة القلب في زمانا يا اخوانا
حاجه عيبه ضعف وخيبه
وخيال مأته ومكروها ب التلاته
ابن النار شايفها كدا
وابن الطين مش كدا
يا حزين اسمع الندا
الدموع دي مش ليك
كل واحد بيبكي على حالوا
ياطيب مافيش لك مكان ف زمان
بيعشق الكلاب السعرانه
بيعشق الخداع والخيانه
اللي ماليا الشوارع والمدينه
يا أعز مالينا انسوا ماضينا
احنا ف ايام اسمها حاجه سخيفه
نفوس دقاتها ف الود بارده وضعيفه
ووشوش لابسه الف وش
عشان المال تخدع وتغش
والكبر منك يامغرور ورث
ودوام الحال من المحال
ولو قصر العمر اوطال
مافي حي ح يفضل على حالوا
يا حزين الدموع دي مش ليك
كل واحد بيبكي على موالوا
الف شكر يابختي ونصيبي
رصيدكم صفر من الجمايل
مش بس عناد طريقي وحبيبي
لالا دا بختي ف الدنيا كله مايل
انا وانا وانا وووووو انا
انا الطيب وانا الشرير وانا الحاسد
وانا الحاقد وانا المؤمن والعابد
ياكل دقه من قلبي مين انا
ف زمن مزروع ب الشوك
والورد دبل وحزن اوراقوا
يا حزين الدموع دي مش ليك
كل واحد بيبكي على موالوا
ياطيب
على عبدالرحيم محمد
ليست هناك تعليقات:
إرسال تعليق