تاهت المواضيع
.................
تاهت منى كل المواضيع
وبقيت مش فاهم حاجه
لقيت الدنيا رغاوى وفقاقيع
ودراويش عايشه بسذاجه
كل شى بقى فظيع
ناس جبلات منتحه بسماجه
وناس فى الأخلاق بتبيع
والضمائر نايمه فى تلاجه
والقنوات كل يوم بتذيع
ماهى مش لقيا حاجه
خلاص مبقاش فى مواضيع
وصبحنا زى ايام الرضاعه
لقينا الحلم منا بيضيع
والأمل معلقينه فى شماعه
كل شئ جميل وبديع
صبح مريع وكله بشاعه
علشان لما لقينا الوضيع
هو الحكيم وفأيده سماعه
امال الحكيم يروح يصيع
ولا يشتغل غفير على بلاعه
العلم كمان حقروه البلابيع
وحصروه فى سيجارة وولاعه
والطيب الوديع وصفوه بالوضاعه
.......
بقلم.الشاعر
الأمير _محمود
ليست هناك تعليقات:
إرسال تعليق