((((( وليه كنت مستعجل؟ )))))
وليه يا حبيبي مستعجل
ولابَصِيتش في عيوني
ماكانش دا حال حبيب قلبي
وحال أحبابي ينسوني
وزاد إحساسي بالوحدة
برغم كتير يحاوطوني
وليه م الأنس تحرمني
ياكل الحلو في عيوني
و إنت النور لنور عيني
وروحي إللي سكناني
ولو هتكون مخاصمني
هيفضل مِني إيه تاني
ولو يوم رُحت ونسيتني
مفيش بعدك حبيب تاني
دا قلبي إنت دقاته
ولو يسكت تكون صوته
بيهتف بِسمَك الغالي
في عز كلامه وسكوته
عيونك ليل وسحراني
جمال هايم في ملاكوته
ودنيا جميلة وخداني
لحب العمر ما أفوته
نسيت إزاي تشوف عيني
وعيني عليك لطول وقتي
لالحظة تروح بعيد عنك
كانك صورة في مرايتي
وتِحلًىَ الدُنيا في عينية
يا أحلى مافية ياحكايتي
عيونك شوق وحنية
فداك الروح ياروح قلبي
بقلمي
أ.مشيرة النقيب
4/11/2020
ليست هناك تعليقات:
إرسال تعليق