....... إنت أجمل هديه ............
في عز ألامي كنت إنت دوايا
ولما توهت كنت انت الدليل
لقيتك في قلبي بتهدي بكايا
ولقيتك بتهديني لأول السبيل
من قبل ما أفكر ألقاك معايا
واخد بإيدي من غير رد جميل
في كل مره لما تسمع ندايا
القاك جنبي بقلبك الأصيل
كنت ضحكتي في ايام شقايا
كنت بلسمي لما كان قلبي عليل
كنت النور اللي بينور جوايا
كنت القمر اللي بينورلي الليل
عشت معاك ايام الخير والهدايا
وانت أجمل هديه ملهاش مثيل
وهبك الله ليا من ضمن الهدايه
في زمن صعب الوفي فيه بخيل
...........................................
......... حسن الشوان .............
ليست هناك تعليقات:
إرسال تعليق