✍️✍️ المِيراث✍️✍️
كلمات/مجدى المنصورى """""""""""""""""""""""""""
أنا أختك زَىّ اخوك
و حق أبوك من حقنا
قولى مين يمنعوك
تِبعد قلبك عن ربنا
مين قال أختك راضيها
بقِرشين و تبعد عننا
و تاكل انت حقها
و تقول مستقبل ابننا
مفكَّر نفسك بِتبنى
و أنت بتهد لمية سنه
صله رحم قطعتها
وقطعت حبل وِدِّنـَـا
انا أختك زى اخوك
طب ليه نظلم بعضنا
بنت أمك بنت أبوك
ولا أنت خلاص بعتنا
انت ليه قلبك جفا
و الحنان منه اختفى
فين الحب و الوفا
فين حديث المصطفى
إقرا سورة النساء
اللى فى قرآن ربنا
فيها الرحمه فيها العدل
اللى هُوَّا أساسًا شرعنا
فيه حساب فيه عقاب
يوم ها نِجَّمَّع كلنا
فيه صيراط فيه ميزان
فىه يوم ناخد حقنا
ارجع و توب ادى الحقوق
قبل ماتدوق نار ظلمنا
ليست هناك تعليقات:
إرسال تعليق