خلص الكلام
واللي جي مش كلام وخلاص
لما تحاول تضحك حبة
تعيش في محبة
تطلع غصب عنك
بدل الضحكة مليون ااااه
هي حياه
ولا مجرد ضحك دقون
ولا طلاسم
ولا شغل معفرت
اصعب طعنة لما تحس
تحس بقلبك مطعون برضو
من جواه
اصعب حاجه لماتموت
من غير صوت
ولما تحس برغم براعتك
إن كلامك كله سكوت
ولما تعيش مخدوع في حياتك
وتوهم نفسك بأنك عايش
وانت في كل لحظة بتموت
ناس تتشال من فوق الراس
وناس تنداس
وناس مليانه حقد وغل
وناس تتهان
وناس تتذل
وناس من غير لأزمة
كل ماتيجي تحس بنفسك
تعمل أزمة
خلص ياالله وقول خرافاتك
والله شرابك لايق عالجزمة
ممكن اقولك شيء جوايا
متهيألي زمنك راح
ولا علشان تضحك حبة
تعيش في جراح
ولا زمنك بقي زمن الخدعة
وكله مباح
اااه يازماني لما بتكسر
ضهري بقسوة
لما تسرق مني شعوري
بس بعنف
بس بقوة
يفضل ايه بعد ما يروح
كله مسروق
كل اللي فاضلك
احساس مخنوق
كل اللي انت رسمته
حبة صور.. شريان محروق
احمدعبدالحق
ليست هناك تعليقات:
إرسال تعليق