أمسيات الحسن. ( مكانك فين ) .6/ 1/ 2022
بقلم الشاعر : حسن حلمى
ومهما يعدى بينا العمر
مسيرنا بيوم هنتقابل
أعاتب نظرة لعيونك
بضحكه أو ببسمة عين
وأقول فينك بقالنا
سنين بنتواعد ما بين حرفين
ولو تقدر تعدى بينا
بحور الشوق ما تتفضل
وليه ساكت ونن العين
بيتكلم
ويحكى حكاوي بالموال
وأنا اتعلم
واخرتها أشوفك
ليله وأسلم
بلمسة أيد
بحنيه
لحس الشوق
بيخطفنى ما بين الموجه والتانيه
ويسرقنى
ببحر الشوق
يغرقنى
وأنا راضى
تعطرنى
بكف الايد
على خدى
وأنا مسلم
ومتبسم
لضمك جوه
أحساسى
بشوق الضلع والنبضه
وشوف أنت
مكانك فين
بقلم الشاعر: حسن حلمى
ليست هناك تعليقات:
إرسال تعليق