*** صباحك ورد ***
للشاعر /صابر الشناوي
صباحك ورد بيلالي
على خد الندى دالفضي
من غيرك لا النوم بيحلالي
ولا حتى الوقت بيعدي
ببعت مع النسيم غنوه
وبكتب ع القمر موال
وبحلم معاك بليله حلوه
وبشيل النجوم مرسال
تبعت مع الشروق طيفك
لو انت دخالي البال
شعاع الشمس يوصلك يقولك
اللي ف القلوب متشال
يمكن تحس في يوم بيا
ويبقى حالك نفس الحال
وافرش على الندى خدي
وتغزلي بايدك شال
وتنقش الحنه على يدي
ودايما في العيون تتشال
وافرش الورد بلون خدي
ونتهني براحه البال
وصباحنا يبقى ورد بيلالي
على خد الندى الفضي
وفي حضنك النوم يحلالي
وكل الصعب بيعدي
ليست هناك تعليقات:
إرسال تعليق