حكاية وردة... ورده نايمه على الشط مسترخيه وآثار أقدام أمامها رايحه و جايه تقول يا رب ما شفت يوم حنيه الكل يطمع و يقطف ورد حواليه و يوم حيجى دورى و يقضو عَليا ولا حد و لا حتى قلب يحس بيا يارب جمالى مش خير .. دا نقمه يا ريتني كنت شوك دا الشوك نعمه ترد شمس الأصيل تقول يا ورده أنا كل صباح و ظهر بنادي عليكى وعلى كل ورده جميلة حواليكى ادفى بحرارتي الزهور و ادفيكي نادى عصفور جميل على الورده وقال يا ورده يا حلوه يا جميله يا زينة الشاطئ و زينة كل خميله أنا كل صبح بصبح بغنايا عليكي ولمين بغني يا وردتي غير ليكي ونسمه حلوه عليله من البحر هله قالت كل يوم عليكى بطل طله وقمر يمسي عليكى ببدره و هلاله كلنا يا ورده نحبك و نعشق بهاك وندعي الله مَنْ خلقك و مَنْ سواك حتى يديم عليكى حسنك و جمالك اتبسمت الورده و انتعشت و مالت على الشط بدلال و حسن و قالت يارب عيونا قد تكون سهت و غفت وعين لطفك و رحمتك ربي ما نامت . 💥 أنوار عبد الرحمن
ليست هناك تعليقات:
إرسال تعليق