قلب ضعيف
بقلمي (( منى شحاتة))
جمهورية مصر العربية
طك طك : القلب/ مين ع الباب؟
الحب/ افتح ليا اوام ياقلب...
القلب/ أنت مين عايز ايه؟..
الحب/ أنا الحب..
افتح يانور العين
عايز أقولك
كلمتين..
ممكن تفتح ليا
شوية..
القلب/ لااااا مش
راح أفتح ... أي أي
الحب / مالك
مالك أهدأ ياقلب ..
القلب/ ياله أمشي ماتقربشي ..
أوعى تاني تيجي في وشي..
الحب /أفتح طيب واربلي الباب..
القلب/ لا لا
خلاص أنا تعبت ..
من درس زمان
اتعلمت..
داأنت اديتني
حتة درس يوم
ماروحت و سبتني
وهربت.
الحب/ أنا عارف إنك زعلان ..
م اللي حصلك مني زمان..
وأنا آسف منك خجلان..
بس جيبلك المره
دي هدية لك م الرحمن..
القلب/ لا لا أنا
عارفك أصلك كداب
وراح أرجع تاني... ندمان
وهشوف منك تاني عذاب ...
الحب/ أسمع بس
ده راجل فعلا مايتوصفش ..وبكنوز
الدنيا ..مايتقدرش..
القلب/ امممم طيب كلمني شوية عليه..
بس بجد واثق فيه..
العقل/ اه طبعا
أمال إيه
أنا جايبلك
بجد ..هدية
أقولك عليه إيه ولا..ايه..
م الآخر أصل
الرجولة كلها ..فيه..
القلب / طيب خليك كده ع الباب .
لحد مااخد م العقل... جواب.
اصل اديته عهد.. ووعد
مش هفتحلك إلا
بمشورته لو خبط
تاني ...الباب..
الحب / طب استنى منك رد..
بعد شوية
الحب/ طك طك
أنت ياقلب قولي
اوام ياله الرد
القلب/ أوف أوف
من بعد محيله عليه..
وافق بس قالي بشرط
أبعد أنا بس عنه ..
وإني اسيبه هو عليه...
وهياخد منه
الأمان والعهد أنه يشلني جوه ...عنيه
وهيفتحله الباب بعدها هو بنفسه وبإيده ...
روح وقوله يخلي باله .
من كلام العقل معاه...
اصلي عارف العقل
كويس لو ركز وياه..
مش هيسيبه كده
بالساهل هيخليه
دايما متلخبط مش
عارف أوله من
آخره..
قوله عليه لازم
يسيطر مش هيدخل
إلا برضاه...
ليست هناك تعليقات:
إرسال تعليق