ليلة عذاب/ بقلم م/محمد بدوى

ليلة عذاب
************
فى ليله من ذات الليالى
سهران وسارح فى السما
والنجوم بحكيلها حالى
ف إيه تاعبنى وإيه جرا

والقمر كان فوق ف العلالى
مستخبى خلف السحاب
ونوره محجوب فى الغيوم
قال ياولدى من غير عتاب

جاى تشكى من الهموم  ؟
وسهران بتشكى من العذاب ؟
ودمعك ليه مآلى الجفون ؟
كيف المطر من غير حساب

لحد ماجفت من العيون
بتبكى ليه بحرقه وعذاب؟
إرحم عقلك من الجنون
من الفكر والعقل اللى غاب

وللأسف مالهوش علاج
ولا هاعرف أفيدك بالجواب
وبين الليل والنهار فيه إندماج
وسيبت القمر من غير عتاب

ونظرت من خلف الزجاج
ووجدت  شبوره وضباب
ومش شايف نور للسراج
والرؤيه غايبه من الضباب

والشمس بتشق الزجاج
وتسأل على الفجر اللى غاب
جايه لبسه على راسها تاج
وشعاعها ممزوج بالضباب

ف عيونها بسمه وإبتهاج
بعتهالى ف ظرف وجواب
ومعاها من السعاده تاج
زى ما بيقول الكتاب

بتقول ف رساله جايه منها
إن الحب مالوش حجاب
مكتوبه وبخط ايدها
الحب مالوش ابدا حساب

لما يجى يدق بابك
مش محتاج أذن وجواب
لجل ما يعشش ف قلبك
ومابيهموش ابدا حساب

عيش حياتك وأفرد دراعك
ولا تسالوش ليه العتاب
وافتح تانى للفرح بابك
عمر الحب ما خبط باب

م/محمد بدوى أبوالعلا