حكايه ليها العجب
خالد المنصوري/مصر
دي حكايه ليها العجب
مع شاب وحداني
وشه دايما حزين
وملامحه قلقاني
قلتلو مالك ياولدي
قلي الملل دباح
تعبت من التفكير
والحلم بقي اشباح
عديت بحور للهم
ميعدهاش سباح
بس النهايه بعيدۃ
وانا نفسي انام وارتاح
قلتلو الحزن قاتل ياولدي
فضفض معايا وبوح
شكل الحكايه كبيرۃ
وصوتك صداه منبوح
قلي احكيلي حكايتك
ولو كان ده شئ مسموح
قلتلو انا عشت ويا الناس
ماشي بصافي النيه
صاحبت صاحب غريب
ليه ولا الف شخصيه
ساعات يكون حرمجي
يجري ورا وليه
وساعات يكون بمزاج
بسيجاره محشيه
تطلب معاه استمتاع
فيغني ليه اغنيه
قول ياعم ومتعنا
يلي غويت الغلط
اسمع بقي وسمعنا
مشفتش هيصه ولمه
ولا نعيد من تاني لمتنا
خالد المنصوري/مصر
ليست هناك تعليقات:
إرسال تعليق