الزكروم........
روم روم
يا زكروم
سد شراجم
و بيبان القلب
ما تبقاش يا راسي
بالسراب مغروم
بدل طريقك
و خوي هاد الدرب
خلي عليك
الزعاف و لهموم
آش داك تعمر
بلاد الحب
تحت لكايلة g
بين صهد و شوم
في جنان لمحبوب
تطلب و ترغب
هو عاز راسو
في كل يوم
كيف حوال الطقس
كل نهار يتقلب
و نتا تقاسي
وحدك مغروم
و خليلك
ما حاس بلي
راك تتعذب
نتا قلبك حليب
و هو قلبو مسموم
ضرع لغرام غارز
ما فيه ما يتحلب
شحال كدكg
تشكي عليه و تلوم
و كبة العطفة
يوم على يوم
تتسرسب
بقيتي يا مسكين
ديما محروم
باكي
من فراق
حبيبك تتعذب
ليلك طويل
ما يجيكش النوم
في فراشك
وحدك تتكلبg
روم روم
يا زكروم
سد شراجم
و بيبان القلب
خليني خليني
سمايا عمرات غيوم
ياك مشات أيام
العطفة و مات الحب
.
غابو الناس لملاح
بانو شي ناس قباح
لمحبة رخاصت فالسوم
الحال تغير و الوقت
تبدل و الزمان تقلب
بقلمي : مجدوب الرمى
Le 23/06/2020
ليست هناك تعليقات:
إرسال تعليق