( ؛ ؛ ؛ النيل ؛ ؛ ؛ )
كنا بنغني زمان
كلمة يا ليل
دلوقتي ليلنا يبكي
فينا يقول يا نيل
حتى التُراب فى أرضنا
دا خلاص كدا
حان الرحيل
بعد جريك آه يا نيلي زي خيل
وِسط الأراضي والغِيطان
وسط النخيل
وِسط الزروع بين الشجر
فرحان تميل
فى المراوي والمصافي
حامِلّي خير
فجأه الحياه اتغيرت
بإيدين دخيل
عمَّالُه يُخنُق فى الحياه
وصبرنا والله فريد
لما خيرنا وزرعنا
عايز يبيد حتى البشر
يصبح شريد
عايز حياتنا وصُبحنا
زي الهجير
أو نار تقيد
دا كان فى يوم
النيل يفيض فجأه نازع نلحقٌه
طب أيه يفيد
أيه يفيد بعد الغياب
فى الغرب نخسر
كام شهيد
دا حِبرنا لو فِعل والله
كان روى كل الصحاري
من إيتاي حتى صعيد
لكن حسابنا غير كدا
دا حساب عقيم أو كُلُه كيد
زي واحد راح دخل
على زوجه تانيه
وينتظر منها الوليد
لكن بصدمه راح عرف
إنُّه جليد
واحنا عارفين النهارده
إن نيلنا راح بعيد
لكن حلولنا
ع الورق وألف إمضا
والزروع والأرض تبكِي بالعويل
فينك يا نيلنا
لما عبدو كان يغنيلك يا نيل
تبر غالي اسمر جميل
أيه وشطك
للي يرسم واللي يعشق
يمشي جيل وألف جيل
عليك يا أسمر
والسمّار لون الحبيب
لون أبويه وجد جدي
لون الأصيل ساعة السفاري
بالشِراع ساعة الهوا
لما يدفع كام سفين
وتترزق كام ألف إيد
وشط عمران فيه نهيم
فيه يهادي وفيه يغني
وفيه يصيد
دا فيه يناجي
بشكوتُه أحسن غريق
دا القمر على صفحتُه
أجمل شهيد
وفيه معانا بأُسرِتُه
دا الشط عيد
وفيه يرتب كلمتُه
يوزِن بيوت بمحبتُه
ينظِم قوافي للقصيد
وفيه نسيم
يحيّي الرميم والنعيم ع الشط نيل
والأماني بتتولد
لما نزرع لما نقلع
لما يُدخُل دا الحصيد
لما يروي
قلوبنا طمّيُه وأرضي تلبِس
من جديد
وتُوبها أخضر
والخضار يفرِح قلوب التعبانين
ياخُد بديها يقولها
أنا صبر جاي
بعد السنين
بعد العرق بعد الأنين
شوفت الحنين
من زرعه طالعه
للإيدين اللي روت
من كنز دايم واسمُه نيل
دلوقتي أيه
بعدك يا نيل
بعد حِقد نموتوا بِيه
بيقولوا سد وجار بانيه
واحنا لسا نشوفوا أيه
والزرع مستني نداويه
والفَلقّ أيه ياله يداريه
........ ..... ... .. .
أحمد الصاوي مصر ٢٤ / ٦ / ٢٠٢٠
ليست هناك تعليقات:
إرسال تعليق