انا الشاعر سعيد حسان.(. جئتكم من مصر ) المحروسة
قالولى اسمك سعيد حسان ..قريب حسان ...بتاع الشعر والألحان...
خلاص سمعنا اغنيه .. على مصر اللى أيامنا ...ومصر اللى بقالها زمان ..حقول فى الغالية اغنيه .. يعون الله ..تكون عنوان
ونسمة صيف معدية ..انا وهى ..رسمنا صورة للغالية اللى كان ياما كان ..بلدنا مصر ..كات ٱول بلد فى الكون ..مشى الإنسان على ترابها وقال موواويل ...يا عينى يا ليل .. دا عمر بلادى من عمر الهرم والنيل ...ومصر حكمها مبيت فرعون ...وعنخ اموووون ..بيحكى حكاية مصرية.... بيسأل ليه كنوز الدنيا في الاكفان ....وتحت الارض مرمية... لحد الان ...جاوبت عليه وقلت عشان .....هتفضل جوة محروسة.
... ومدروسة بكل امان والف حساب ....وكان ياما كان ...حضارة مصر تتألف في الف كتاب .....إشي قبطي. وفرعوني و ايوبي وملوكي و اسلامي ....بدون اسباب ... فتحنا الباب... وكل المستخبي يبان... ده كان انسان ....تقول خوفو.... تقول خفرع.... باقول انسان..
.... هيوصف لكيم مصر زمان ....راجل طيب وقلبه حليب... يقوم الفجر ويصلي ....مهموش ديب ...في عز الظلمة بيمشي. وبيسبح. معاه النور ...يقول قرآن ... ده كان مصري رايح غيطه.. شايل فاسه...... باحساسه ....يطلع خير لاهل الخير ودول ناسه..... بيحضن ارضه ويبوسها بميت بوسة...... انا مش قلت مرة زمان. .... هتفضل مصر محروسة....
و لسه هاقول واعيد وازيد ...ده مصر الساقية... والنورج .. ومدرة حديد .... وطبلية.... تجمعنا ..تشبعنا.... ولو كان العدد مية.... ومصر العيد ....وشم نسيم.... وطعمية..... ومصر السيد البدوي.... مع دسوقي ...بيدعوا ربنا شوية ...و بيجاهدوا بكل العزم في الميدان.... جهاد أبطال ....ومصر جمال.... ابو الثورة ....ابو الجدعان.... ما حدش يوم سمع عنه كلام بطال..... ولسه كمان...
ده مصر بلدنا صفصافة على الترعة مدلية ... فروع بتسبح المولى بحنية.... ودعوة كبيرة محبوسة..... و ملموسة... هتفضل مصر محروسة
و قول يا زمان ... ده مصر عروسة جنية. و حورية... و مركب صيد على الشطين معدية..... ومصر هتفضل الغالية... مداين في السما عالية.... في وقت اذان.... بتحضن مدنة بالاحضان... وبالاحساس...
وخلق وناس.... و صوت اجراس... مدوية على المدنة اللي حضناهم ...
وكله بيعبد الرحمن ... بكل امان.... و ما بيسمعش للوسواس ....وتفضل مصر فاكراهم.... بيوم الثورة في الميدان...
ودم انداس..... أدان العصر ...وانا معاهم....و إيد مع إيد...بتبني الف قصر وقصر.... بدون ما يكون عليه حراس....
دا مصريين.... ما فيش إسلام ومسيحيين....دا. دول مش بس ساكنين مصر..... دا مصر حبيبتي.......سكناهم ....
صبحت خلاص... بقيت فاهم ...بكل حماس... برغم الكل كان محتاس... بمييت حوسة... لكن برضه......هتفضل مصر محروسة هتفضل مصر محروسة...
. قالولنا زمان ....دا مصر كمان كانت كوسة... وقلتلهم نبات يقطين .....نبات طيب .... وفال طيب.... ورد ذكره ف كتاب الله ...صبح قرآن ....عليه حالفين... وله حافظين .....قولولنا. ايه حكايته معاه... حمى أيوب...
في عز الصحرا ..كان...وياه ....علاج للآه.... لأمراض غللبت أيوب ابو الصابرين... وبعد سنين ...شفى ايوب... بأمر الله...
ومصر كمان... وبعد سنين ...من الحرمان ...شفوا الاثنين ..
ما تسٱلشى. شفوا من إيه ..!؟؟؟؟
دا يمكن برضه م الكوسة...
حلفت يمين والف يمين.... لٱن بلدنا محروسة
هتفضل مصر محروسة
الشاعر// سعيد حسان قصيدة المحروسة.........مصر البحيرة
ليست هناك تعليقات:
إرسال تعليق