لقيت قلبي صحي م النوم
بيدعي ان القيامه تقوم
وقالي تعبت انا منك
معيشني سنين فهموم
ولما تتكتب فرحة لقلبي
فيوم برضو ابات
مهموم.
سبني قلبي انا وحدي
وراح لبعيد وقالي
انت مش صحبي
انا نفسي اعيش
مرة بجد سعيد
هشوف غيرك
عشان احلم ولو
مرة بليلة العيد
مشي قلبي وسبني
وحيد ومقدرتش
ارجع خطوتة ليا
ولا اتعشم بفرح
جديد. قريت الفتحة
علي روحي. وصحيوا
الميتين فجأة علي
نوحي. قالولي ان
القيامة خلاص قامت
ومعدش يفيد ولا عاد
الكلام ممكن يكون
فيه جديد
ولما خفت من ربي
انا استغفرت قولي
خلاص معشي
صحيفة للحسنات
خلص الوقت عدي
وفات.
قاتلني الذنب. ومش
عارف لنفسي خلاص
علي يميني وعلي شمالي
بشاهد ناس.
وانا والكل بنعاني وسيقانا
كتير حراس
خلاص الجي نتحاسب
في ناس عاشت بخمرة
وكاس وناس ديسها
ااقدام ناس.
خلاص الكل هيحاسب
ودا خسران ودا كاسب
وفجأة صحيت علي
صوت الأدان حاسب
هنا صلوا فمساكنكم
بكيت وبكيت يارب
افتحلنا بابك. ونرجع
تاني لرحابك
ولو كان البلاء بذنوب
فوعد اننا هنتوب
فاتن عبد النبي
ليست هناك تعليقات:
إرسال تعليق