قصيدة بالهجه المصريه الصعيديه
هاتكلم صعيدي/صموئيل فايق
هاتكلم صعيدي
هتفهمني ياقريبي
الزرعه إللي زرعته بأيدي
وكلتها للجاموسه في بيتي
شرب من لبنها إبني هريدي
ياحلاوة اللهجه الصعيدي
عداتنا وتقاليدنا طوق في رقابينا
عزوتنا رجال مش مال في إيدينا
الله عليك ياجد لما تحاكينا
وألعاب زمان تورينا
وحب بلدنا تزرعه فينا
نعتب علي الناس إللي مش فاهمنا
نتكلم بلهجتنا يتريقو علينا
أحنا الصعايده أدينا
في أي بلد ادينا
يقولو جدعنه ورجوله مفيش زيينا
أنا هتكلم صعيدي
وعداتي وتقليدي
هامسك فيها بسناني وأيدي
وإللي مش عاجبه هاكسر دماغه
بعصاية سيدي
يارب تفهمني ياقريبي
علشان خلقي دأق
وكرهت العيال إللي بتتنطط علي الشباك
وتضحك من غير سبب ومعندهاش أخلاق
ويقولو علينا إقفال
ماشي يا إللي خيبتك تورثها لأجيال
أحنا الشهامه والرجولة بأدينا نهد جبال
يابو أيد ناعمه تلبس جونت علشان تمسك الخيار
الشق في أيدينا أصاله مش قله مال
معدن عليك تسبسب شعرك وتمشي وري البنات
ماله بنت عمك قطر الجواز عليه فات
مهو من خيبتك يا غراب
زي القرع تمد للأغراب
ترجع تاني وتقول إقفال
ماشي يا ختال
يا إللي متسواش جنيه في سوق الرجال
أقفل خشمك للأضربك بالفنجان
أعرف مقامك
وحاسب علي كلامك
أحنا أسيادك
مسمعش صوتك خساره عتابك
آه ياكتر اغلابي
إللي بتترمي قدام بابي
خلاص سديت نفسي بكلامك
إللي طالع من لسانك
أنا الصعيدي سيدك وتاج رأسك
ماشي ياعم الشقيان
هاسكت علشان أعيش في أمان
أنا زيك وأنت زييي إنسان
ليست هناك تعليقات:
إرسال تعليق