تل هموم😖
=====
إفدى حياتك وارحم ذاتك
خاف من ربك يوم معلوم
كتر كتر من حسناتك
خلى البركه تعم تدوم
وسع على المحروم بزكاتك
هى دى حقه ودا المقسوم
رزقه هييجى ورزقك جالك
فى السما متقسمه بعلوم
طبطب على المسكين بحنانك
ربك وصاك بالمحروم
فك الكرب لواحد عازك
فى الآخره هتتفك غيوم
إخفى الحسنه وخلى شمالك
متشوفهاش خليها كتوم
لو تل هموم جه قدامك
هده بسرعه بصلاه أوصوم
سابق للخيرات برحالك
خلى لزادك يوم محسوم
لوعمرك عدى أوفاتك
بحر غريق هتقب تعوم
بكره هتتحول برفاتك
لشهاده بنسر مختوم
إللى زرعته هياخده عيالك
لو بالشر هتجنى سموم
وهتتقسم فيه أموالك
لو بالسحت هياكلك بوم
وان كانت بالخير أعمالك
قبرك هينور بنجوم
مسك وعنبر تلقى جنانك
والحور مستنيه تقوم
إعمل من الخيرات مابدالك
تلقاك فى الجنه مكروم
=====
بقلمى سامح توكل أبوالسبح
ليست هناك تعليقات:
إرسال تعليق