( كدابين زفة )م/عبالحميد سالم
بيسأل ليه بقى الكدب ف كل حاجة ؟
لما بقينا بنكدب حتى ف المشاعر
واللى بالعافية بيتهجى حروف العربى
بقى عامل فيها أعظم أديب وشاعر
واللى صوته نشاز وعنده الزغطة
غنى مهرجان وعايب على هانى شاكر
وتلقاها لادغة ف نص الحروف
لكن بقت مذيعة وقاعدة تحاور
وبفلوس أبوك ادرس اللى انت عايزه
خد أعلى شهادة مشى بيها حالك
أو اضرب دقن والدين تاخده ساتر
وبالغتاوى الشاذة ودينا المهالك
بقينا كدابين زفة لما القدوة غابت
لكن رغم كل ده ف صبرا يا ولدى
تمسك بالأمل وبشرف كافح وعافر
ليست هناك تعليقات:
إرسال تعليق