بقيت ليكى
وكله يهون عليا ولو ما بين مليون
مفيش في القلب غير سيرتك
ولو بعدك خسرت الكون
مانيش مهتم غير بيكى
فسامحينى معاليكى
بنبدأ يوم جميل جدا
ويحصل شىء لسوء حظى
يخليكى
تهدى جسور ثقة بينا
تسدى طريق إلى قلبك
وأنا نفسي
تمدى إديكى تاخدينى لمملكتك
دا أنا قلبي بعيد عنك كطفل يتيم
يعدى الوقت وإنتى معايا وسط هزارنا وخناقنا
كأنه نعيم
لأنى كريم هخرج كل إحساسي
هشيل قلبك على راسي
وهتحمل كلام جارح
لسوء ظنك
هشيل كل الألم عنك
هحارب لأجل ما أثبتلك
بإنى هاكون جدير بيكى
أنا منك وأنا ليكى
مجرد لمسة لإديكى بتحيينى
مجرد لحظة من حضنك
بتغنينى عن العالم
تقوينى
وجودك جنبي يكفينى
ومش فارق هكمل فين وهخسر إيه
أنا الفايز أنا المحظوظ
يجوز قلبك يحن في يوم
أنا المهموم
وبالنسبالي أصعب يوم
تردى الباب وتنسينى
ليست هناك تعليقات:
إرسال تعليق