نور الفجر
========
بكره نور الفجر يشرق ع الربوع
بكره حضن يضمنا من غير دموع
بكره مصر الغاليه تصبح سوسنه
بكره نزرع حلمنا في المداين والنجوع
بكره لما الطفل يكبر
شمسه تشرق تبتسم ويا السطوع
ألف ميت مليون سلامه م الجراح
كفكفي ياللا عيونك م الدموع
مصر ياحضن المحبه والأمان
مصر ياقاهره المذله والخنوع
ياللي نيلك والهرم رسموا الحياه
وف دروب العز رافضين الخنوع
لو ايادى الشر مره تغدرك
تلقي ميت مليون بطل واقفين دروع
مصر إنت المئذنة ويا الصليب
مصر إنت البحر صافي مركبك زاهيه القلوع
مصر ياأرض الحضاره ضى أزهرنا مناره
يفرش العلم بساطه يضوي دنيا بالشموع
=========
بقلمى سامح توكل أبوالسبح
ليست هناك تعليقات:
إرسال تعليق