مغرم بهواك يابهية /بقلم الشاعر / اسامة جديانة

مغرم بهواك يابهية
ومنك محتاج ضمه
محتاج منك ولو بسمة
سنين مرت مفيش ضحكة
وشوش الناس صبحت ضلمة

بعد ماكانت النكتة
تنزل مالعيون دمعة
ايه اللي جرى يابهية
انت طول عمرك قوية
انت التاريخ وأساسة
علمتي العالم الحكمة
ومر عليك سنين صعبة
معاها حسينا بالغربة
ماشفتش السما الصافية
نار وشرار قلوب قاسية
ولادك بس قلوب جافة
بين الزهور تلاقي ديدان
كتير ماشية
جايز ماشفوش حنية
أو دلعتيهم شوية
او خوف عليك
تصرف ناس مش فاهمة
ماانت الكبيرة يابهية
مهما كانت الدموع سايلة
راح امسع دمعك بإيدية
هعاتبك عتاب الأحبة
الحالة صبحت مش هية
واولادك دموعهم غالية
فى ناس كتير مش لاقية
يقضوا اليوم يخافوا من بكرة
ماتت الآمال وقلوب باكية
كورورنا زودت البلية
أشغال واقفة وناس نايمة
وهدومهم صبحت بالية
واسعار نار وجيوب فاضية
ياريت نحميهم مالعوزة
اصل الأصيل يموت بالعفة
مايمد إيده وقت الحوجة
اتوصي بيهم يابهية
واروي قلوبهم حنية
(((أسامه جديانه)))