العجوز الحكيمة ... ذهبت لعجوز حكيمة قالوا بتقرا الوًدع ... وبتفتح الفنجان قلت لها كلميني ... عن بحر الهوى قالت لي ليه ... يا غلبان بتسأل عن بحر الغريق فيه يدخل لعمقه وعمره أبداً ... ما يباااان قالت لي يا ابني ...نصيحة مني إياك بحر الهوى لأنه بحر قراره بالشقى ملياااان قلت لها فات الأوان يا امي ما دخلته ومن يومها لا عارف لي وقت ... ولا أوان غصب عني عتبته ... ومن ساعتها تايه لا دارى بحالي ... ودائماً سرحان دليني يا ست الكل ... يا حنونه أخرج منه ازاى دا بحر ... امواجه مجنونه لفتني أمواجه ... يا أمي جواها ولا عارف من ساعتها يمين ولا ... شمال ونسيت يا أمي من ساعتها راحة البااااال قوللي مخرج وأنا حتبعك ... من غير أي سؤال ضحكت عجوزى الحكيمة ... ضحكة مرة وقالت لى ... أدلك على مخرج؟! نزلت دمعه من عنيها وقالت بصوت مبحوح ... يا دوب من حلقها يخرج أدلك إيه يا ابني لما تلقى باب الخروج ... قولي لعلي بعد عمري ما راح فى يوم ... منه أخرج.🌸 أنوار عبد الرحمن
ليست هناك تعليقات:
إرسال تعليق