صروف الدنيا.....
الدنيا ميزان كبير
و صروفو شلا
فهم يا لفاهم الكلام
على لمعقول لا تتخلى
صدق و دير الخير
و بعد من الزلة
رد بالك كثير
قبل ما تركبك علة
حضي راسك و سير
بلا ما تتفلا
الصبر ديرو مجداف
تجمع بيه الغلة
بيه تسخن لكتاف
ياك رباحو شلا
لا يغرك مشموت
بنى الديور و علا
نسى ربي و الموت
نكر الدين و الملة
سير خدم بلحلال
باش مقامك يعلا
لا يغركش المال
رآه الطمع علة
تصارف بصروف ثقال
باش لعيشة تحلا
لا تغرك الحياة
و تبقى تتفلا
ديما خلص لوقات
لا تفرط فالصلا( الصلاة)
دير بحساب الممات
فلواليدين تهلا .....
بقلم : الرامي المسناوي
Le 01/10/2020
ليست هناك تعليقات:
إرسال تعليق