مشاعر صامته
=========
صامته
مش عارفه أقول أى كلمة
كانت مخصوصة ومرسومة ليك
ومش قادره اشم وردة أبعتها ليك
وردة فى فجرى تصبح عليك
صامته
مش عندى جرأة أبعت حتى همسة
تقلك وحشنى وأشتقت ليك
حابسه الشوق وخانقه فى قلبى
عشان هو سبب غلبى وحنينى إليك
صامته
ونفسى أصرخ بصوت عالى جميل
يسمع الدنيا سرى الدفين
انك حبيبى وحلمى البعيد
طب ليه بس صامته
لأن بالقسوة والبعد ليالى
كسرت الفرحة واللهفة إليك
صامته
لكن بنام وأصحى
بحلم أرجع أقول وأكتب عليك
بكل اللى أتعود قلبى وقلمى
بيه ينطق يبوح
ولا يخاف رقيب أو حسيب
صامته
وحشنى الفرحة اللى كانت
لما اسمع صوتك ينادى بأسمى
أصعد لحد السما
كأن جناحين خدونى أطير
طب ليه بس صامته
لأن بالقسوة والبعد ليالى
كسرت الفرحة واللهفة إليك
بقلم / مها ندا
ليست هناك تعليقات:
إرسال تعليق