يااااااا دنيا الغلابة ..
تعرفي نعمة الغلبان ..
إنه دايما شبعان ..
زى عم شعبان ..
واحد من البشر قلبه قلب إنسان ..
طول عمره ف حياته قنوع ..
طول ما النعمة ف إيده ما يجوع ..
لا يهمه الأكل من أى نوع ..
ما تفرق معاه أبدا إزاى مصنوع ..
دايما شبعان و لو بيتقطع من الجوع ..
راضي ب حياته ب الخشوع ..
ب يزرع ورود حتى لو الأمل ممنوع ..
ما يهمه وجود حتى لو عاش مخدوع ..
أصل مفيش خلود ما عاد رجوع ..
الدنيا كلها ع بعضها وهم و دموع ..
حتى يا دنيا ..
لو الضحكة كانت منك صفرة ..
ب صفار متصفر ب إصفرار ..
ف الأخر كله هيسكن ف حفرة ..
محفورة ب حفار متحفر ب أقدار ..
إوعي ..
تفتكري هتهزميه ..
أو تحاولي تجرحيه ..
طول ما هو محافظ ..
ع النعمة و حافظ ..
إن الرزق من عند الحافظ ..
هيعيش دايما عليه محافظ ..
رب الخلق دايما الرحمن ..
مع الغلبان ..
و الشقيان ..
و التعبان ..
عايشين ب قدرته ع الأرض ف الأمان ..
يااااااا دنيا الغلابة ..
أوعي تنسي الناس الغلابة ..
عمرك ما هتهلكيهم ب الدمار ..
عمرك ما هتحرقيهم ب النار ..
عمرك ما هتكويهم ب الإنهيار ..
عمرك ما هتكسريهم ب الإنكسار ..
يا أراضي اﻷوطان ..
ف كل العالم و كل مكان ..
كفاية بقى ع الأرض الدم ..
خلينا نعيش من غير الغم ..
و ناكل عيش بدون السم ..
القتل و الخراب يبقى مفيش ..
و حلاوة السلام تعم و تعيش ..
و تموت و تنتهي أى خفافيش ..
يااااااا دنيا الغلابة ..
ف كتير زى عم شعبان الغلبان ..
شايلين ف إيديهم شوية من العيش ..
نفسهم الطيبة الطاهرة البسيطة ..
عايشة بس ب طعم العيش ..
معدتهم قنوعة مش عايزين منك ..
لا محمر و لا مشوى بس العيش ..
مش طمعانين مش جاعنين دايما شبعانين ..
ب القناعة عايشين ..
ب الحب متواجدين ..
ب الطيبة طاهرين ..
ب النقاء صافيين ..
ب البهاء منورين ..
ب الأخاء بني آدمين ..
يااااااا دنيا الغلابة ..
خلي بالك منهم من دوران السنين ..
دول ناس ريحتهم زى الياسمين ..
ب طينة الطيبة كلهم الطيبين ..
مش عايزين غير يعيشوا المكرمين ..
الناس دى أروع و أطيب المخلوقين ..
هذيان قلم :
: محفوظ البراموني :
ليست هناك تعليقات:
إرسال تعليق