رسالتى لمرشح الغلابة
كلماتى عبدالله مغازى
....
..
يا ابنى يا بتاع الغلابة
كام مرة سلمت على بتاعة الفجل
والست بياعة البصل
شفت كام شق فى الرجل؟؟
......
يا ابنى يا بتاع الغلابة
شفت كام عامل قاعد يئن
وشفت كام واحد عجوز السن
الغلابة وراك إن حسيت بيهم إن
....
وكل مرشح يقول أنا ابن الغلابة
ومترشح خصوصى لخاطر الغلابة
ضحكتنى ياطيب فى زمن الديابة
بقولك مترشح لخاطرى أنا من الغلابة
...
وضحكتنى لما قلتلى لما قلتلى
خلاص أرمى حمولى عليك
وقلتلى أنك مترشح علشانى
وهتشيلنى جوة القلب فى عنيك
سمعت كلامك واديتك صوتى
وبعدها سبتلى الدمع واخدت الهنا ليك
وجيت أقولك خدعتنى ليه بكلامك
قلتى أنك مش أخر واحد ينضحك عليك
وقلتك ليه زمن الخداع مستمر
قلتلى دا زمن الرشاوى وفتح عنيك
قلتلك روح منك لله ومش مسامح
وخراب البلد بقى على ايديك
.....
....
مبدع الجنوب
شاعر الجبل
عبدالله مغازى
ليست هناك تعليقات:
إرسال تعليق