هحكي عنها
هحكي عنها كلام لكل العاشقين
واكتب فيها الشعر يملي دووين
مشوقه
تلاقي نجوم السما عليها شاهدين
تقول زاي البدر منور بين نجمتين
مداريه
تشوفها زي النسيم تشفي الانين
تقول مليانه من تعب السنين
ومخبيه
جواها من نبع الحنين
ورده وماليه البساتين
ومخضره
وخدودها جايه بغمزتين
حـلوه واكــــتر حبتين
ومسكره
في اليوم تشوفها بطلتين
ضـاحكه وباكيه مرتـين
ومكشّره
ويــدوب يعدي ثانيتين
ترجع تقولّي حبيبي فين
متغيّره
مجنونه لما تغير,دي مين؟
ازاي وامتى جـيم وسـين
متعصبه
ماسكه كلبش تقول كمين
اسمع لقلبي وقول امين
متحضره
طفله تقول اربع ســنين
ماشيه تقول انا زيي مين
ومصممه
في عنيها سـكة عاشـقين
بتوه ولا اعرف ماشي فين
ومحيره
واذا جات تقولّي كلمتين
تنسى الكلام وسط العنين
متلخبطه
مكســوفه بـس بكلمــتين
في الحب سابقه بخطوتين
متشطره
قلب بمدينة من الحـنين
ضحكه وكاتمه بدمعتين
ومخبيه
هحكي عنها كلام لكل العاشقين
واكتب فيها الشعر يملي دووين
ومتشوقه
خالد المنصوري/مصر
ليست هناك تعليقات:
إرسال تعليق