(((بين الأماني والتمني )))
فى البعاد الشوق كواني
نفسي أشوفك لو ثواني
م الألم حضنك دواني
وفى البعاد فينه حناني
وغيرك ما فارق معايا
بين ٱيديك كان هنايا
قربك أنت كان غنايا
وتم فى البعاد عنايا
فراق وصار معاه عمايا
نفسي فى نظره من عنيك
نفسي أتوسد إيديك
نفسي أبوس مره إيديك
نفسي ساعة تحاكيني
تطفي شوقي وتروي عيني
تعالى وأسمع الحكايه
قطع الدمع الوسادة
ياللي حبك كان عباده
والفراق ليا إباده
إنت عارف ليه إبادة
كنت سندي وكنت ظهري
كنت سري وكنت جهري
كنت الضحكه كنت فرحي
حبك فريضه وكنت طهري
م الشرور كنت حاميني
بأي شيء كنت تراضيني
كنت قايد شمع داري
ياريت فى حبك كنت باري
كنت أب وكنت جار
بعد الرحيل كاسي مرار
عسايا كنت إبن بار
الموت علينا حكم وقرار
وحكم ربك بالفناء
وقلوبنا راضيه بالقضاء
وكل حيلتي لك دعاء
ربي إرحمهما كما ربياني صغيرا
وأجعل جنة الخلد لهما سبيلا
بقلمي
نبيل عبد الحليم
2/12/2020
ليست هناك تعليقات:
إرسال تعليق