( أحلي يوم )
أحلي يوم يوم ما اتقابلنا
والأمل كان بين أيدينا
قولت لي قوم ياللا نخرج
نبعد الخوف عن عنينا
قومت ماشي معاك بسرعه
روحت وياك تحت شجره
عشنا يوم كان طعمه سكر
عيدنا فيه كل اللي عدا
عمري كله معاك قضيته
و الأسي في هواك نسيته
أوعي تبعد عني تاني
حبنا خليه في بيته
أحلي نظره من عيونك
كل لمسه من جفونك
حاسه إنك كل روحي
لما باسمع يوم سكوتك
يوم جميل ماعمري شوفته
قلبي زاد دقات عرفته
عمري راح يقتل ظنونه
لما داب في هواك لمحته
نفسي ترجع لو ثواني
أو تكون في هواك أناني
يعني تعشق بس قلبي
أوعي تعشق قلب تاني
(احمد علي السبكي )مصر
ليست هناك تعليقات:
إرسال تعليق