*** سعيكم مشكور ***
للشاعر/صابر الشناوي
أطول قصيده في التاريخ
مره واحد حب. مات
النص بعنوان سعيكم مشكور
مش عارف أكتب. أي حاجه
قلت أكتب. عن. حياتي
شوفت روحي في دنيا واسعه
وأنا. والأفكار. ليلاتي
وي نفسي باخد وبدي
سعات. ألقاها معايا ماشيه
وكتير. تسيبني لوحدي أهاتي
أو. أهاتي لما. تصرخ
جوا مني أجرى. وأضحك
وأما. أللاقي الشوق قاتلني
أضم صورتك جوا مني
ألقى نفسي عليا تضحك
دي حياتك صوره واحده
دي آهاتك. والمناهده
والمعاهده فين نصوصها
مين يصونها وفين أصولها
دي الحبال. لو داب وصالها
تتقطع من شده. واحده
عقلي قالي
عيش حياتك ف الحقيقه
وسيبنا من صدق المشاعر
تلقى. لك. مليون. صديقه
قضى وقتك ف الجناين
لف وإسهر في المداين
عيش حياتك وي صحبه
أو وي صاحبه واحده إيه
اللي تبيع عشانها كل دول
منت عايش طول حياتك
بالمباديء والأصول
أخدت. إيه غير جرح قلبك
بيع مبادئك
واشتري لك وش تاني
وإن قالولك
إكتب الحزن. أغاني
وسطر الكدب حقيقه
دي الطريقه للوصول
وتبقي ضمن دول ودول
هتلاقي اللي سابك زمان
جي بيسعي للوصول
واللي كانت سايقه ف دلالها
واللي متعايقه بجمالها
تتمنى لو تطلب وصالها
أو ترمي ليها نظره واحده
النفس. وي العقل. ماشيه
اماره هي شيطان لابسها
قلبي وضميري قالو لاء
زي ماكنا دايما هنيقي
القلب. قال لو كان عليا
قوم يلا وإنده ف الجوامع
قول قلبي مات. والكل. سامع
إنده وكبر مرتين
إدعي. وصلي. ركعتين
وإنت ماشي في الجنازه
لو حد قالك ليه قتلته
قول لهم مالوهش، عازه
الدفنه بعد الفجر طالعه
لا عزاء. للسيدات
أما الرجال فالعزا قاصر
على تشيع. الجنازه
سعيكم. مشكوووور
ليست هناك تعليقات:
إرسال تعليق