ارحم نفسك...
غير سير ولا تكلم
بنادم على كثرتو ما بقى يصدق
ولا عندو علاش يحشم
ويخرج عينيه وفيك يبحلق
ما بقى للي يفهم
ولا دويتي يدروك احمق
زمان النفاق والهم
ووكل واحد يسرق
يعبدو مول الدرهم
وكلشي عليه يلصق
يامر ويحكم
ولحكامو كلشي يصفق
بنادم كلو حسد وسم
من جهتك باغي يطرطق
ربي يا مول الجود والكرم
لا تحافينا وبنا ارفق
را بنادم غير سارح يگدم
ما عارفين لا غرب ولا شرق
يا الكريم العالي لا تحرم
كل من دعاك بصدق
يوم القبر عليك يظلم(بتشديد اللام)
يا بنادم على راسك شفق
ملي تحضر صحيفتك وكلشي فيها مزمم
ما بقى عنك لاش تنطق
كلشي مكتوب بالقلم
دير بحساب يوم روحك تزهق
نجات بوريشة
ليست هناك تعليقات:
إرسال تعليق