السعاده
٠٠٠٠٠٠٠
ف معابد القلوب المنسيه
نبض مغلوب تايه ف الغروب
واحساس مخدوع وضحيه
والسعاده وهم وحلم وغيه
ياه ياه حتى الزمن القديم
كان لابس توب القاسبه
برديه فرعونيه
برديه رومانسيه
ب الحيره منقوشه
ب الغيره منحوته
ب قلة الحيله الحدوته
وك العاده الحرمان من السعاده
السعاده أمنية كل الانسانيه
ياه ياه حتى الزمن القديم
كان لابس توب القاسيه
برديه فرعونيه
وهو كان شاعر
ملك الحروف والمشاعر
وع المعابدة وع المقابر
منحوته جناين احساسه الورديه
عاش ومات محروم من السعاده
وكانت آهات لحظة السكات معتاده
وكانت ف حشاه عشق عباده
وهيه زي الدنيا كدابه هيه
ياه ياه حتى الزمن القديم
كان لابس توب القاسيه
ف برديه فرعونيه
نده مليكتي حضنك مدينتي
نده فين انتي تايها ليه
ف بحرك سفينتي
وف تابوت العواطف شايف
تحنيط احساسك انتي
و متحجره الحروف ع الشفايف
وخايف من لعنةقلبي
تسكن كل مشاعري
وتغتال السعاده منك
ويبعد قلبي عنك
وكهنة الحرمان ترسمك
لوحة الهجر وتحرمك
بربشة المر والأشواق
ويمر العمر ف الفراق
ف عيشة القلوب المنسيه
ياه ياه حتى الزمن القديم
كان لابس توب القاسيه
ف برديه فرعونيه
برسيكا مليكتي
لا هنا واستني
عمر السعاده ماجات
ب الأحلام وب التمتي
ولا ب الكلام ولا ب الملام
ولا ب المال ولا ب الجمال
السعاده يا خيلي
تكون شمسي تكون ضلي
وتصون همسي وتكون ظلي
ب كل همسه ولمسه ونسمه
ب كل نظره ودقه وخطوه
ب كل حواسك تقرب مني
وكل مشاعرك تحضني
ويسجني قلبك ف نبضك
ويأسرني عمرك ف حبك
السعاده منك ومني
برسيكا هنا واستني
زمن تاني عمر تاني
يتحقق فيه كل الاماني
واحلام القلب الورديه
برسيكا ياه ياه ياه
حتى الزمن القديم
كان لابس توب القاسيه
ملامح السعاده فين هيه
ف برديه فرعونيه
بقلم على عبدالرحيم محمد
ليست هناك تعليقات:
إرسال تعليق