----------ادعيلى يابا -------كلمات الشاعر احمد جابر سويلم
ادعيلى يابا انت وامى
دعاكم لى بيطمنى
بلاش تسافر وتسبنى
بلاش ياابنى تعذبنى
خايف تفوتنى وتنسانى
واعيش حياتى وحدانى
بلدك وفيها الخير وافى
ماتقولشى رزقك مش كافى
على عينى يابا فى بعادى
على شان ولادى من بعدى
مادرشى يابا اخلف وعدى
ادعيلى يابا فى بعادى
وانتى يا امى يانور عينى
فى الفجر وانتى بتصلى
دعاكى يا امى يطمنى
اول ماهوصل لمكانى
واعرف كمان فين عنوانى
امانه يامه تعهدينى
اوعاكى يامه تبكينى
واشوف همومى تغطينى
خلاص يا ابنى خلاص ماشى
وداع ياابويا انت وامى
ذوجتك ياابنى على راسى
وابنك دا نورى واحساسى
سلام ياابويا انت وامى
دعاكم ليا يطمنى دعاكم ليا يطمنى
ليست هناك تعليقات:
إرسال تعليق